Bllokimi i ngushticës së Hormuzit dhe konflikti ushtarak në Lindjen e Mesme kanë ndikuar drejtpërdrejt në çmimin e hidrokarbureve në mbarë Evropën.
Shqipëria është një prej vendeve që e ndjen më shumë këtë efekt, për shkak të barrës së taksave që kanë hidrokarburet.
Qeveria ka paralajmëruar se do të ndërhyjë me uljen 20% të taksës së akcizës, por vetëm kur çmimi të kalojë 220 lekë/litër.
Ky paralajmërim ka shtyrë disa pika karburanti që të ngrenë çmimin deri në limitin e caktuar për uljen e taksës, duke e tregtuar sot benzinën me plot 219 lekë/litër.
Po çfarë do fitojnë shqiptarët nga kjo “bujari” e qeverisë?
Në Shqipëri, çmimi i një litri karburanti përfshin një pjesë shumë të madhe taksash dhe tarifash. Në total, zakonisht rreth 55%–65% e çmimit final janë taksa.
E analizuar për secilën taksë:
Për 1 litër karburant, shqiptarët paguajnë afërsisht:
- Akciza – 37 lekë/litër
- Taksa e qarkullimit – 27 lekë/litër
- Taksa e karbonit – 3 lekë/litër
- Tarifa e markimit – 1 lekë/litër
- TVSH (20%) – aplikohet mbi të gjithë shumën (pra edhe mbi taksat e tjera)
Sa bëhet në total?
Në varësi të çmimit në treg, nëse një litër kushton p.sh. 200 lekë, rreth 110–130 lekë janë taksa.
Çfarë do të thotë ulja e akcizës 20% kur çmimi të kalojë 220 lekë/litë dhe sa do kursejmë?
Akciza për karburantin është rreth 37 lekë/litër.
20% e 37 lekëve = 7.4 lekë/ litër dhe plot 74 lekë për 10 litra e barasvlefshme me 3 cigare të hapura./Ilirianews.al
