Institut i Gjeoshkencave njofton se nesër reshjet e dëborës pritet të përfshijnë zonat Veriore, VeriLindore dhe JugLindore të territorit. Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugor.
“Sot pasdite (e shtunë, dt. 11) priten reshje të dobëta. Nesër (e diel dt. 12) priten reshje intensive deri lokalisht shumë intensive në qarqet Vlorë dhe Gjirokastër, reshje intensive në qarqet Dibër, Durrës, Tiranë dhe Korçë, reshje mesatare deri lokalisht intensive në qarqet e tjerë (siç tregohet në tabelë, respektivisht për secilin qark).
Reshjet pritet të shoqërohen me shtrëngata në të gjitha qarqet.
Nesër (e diel dt. 12) në Veri, VeriLindje dhe JugLindje në lartësitë mbi 300 m nga niveli i detit reshjet do të jenë në formë dëbore.
Nesër (e diel dt. 12) shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Lezhë, Durrës, Tiranë, Elbasan, Fier, Vlorë dhe Gjirokastër.
TEMPERATURA
Nesër (e diel dt. 12) temperaturat minimale dhe maksimale të ajrit pritet të arrijnë:
në bregdet: 4 / 14 °C ; në vendet e ulëta: 5 / 13 °C ; në vendet malore: -4 / 8 °C
ERA
Sot pasdite (e shtunë, dt. 11) dhe nesër (e diel dt. 12) era pritet të fryjë e lehtë deri mesatare, ndërsa në bregdet deri e fortë” njofton IGJEO.
