Ministri i Jashtëm iranian Abbas Araghchi, ka deklaruar ditën e sotme se udhëheqësi Suprem Mojtaba Khamenei është në gjedje të mirë shëndetësore.
“Udhëheqësi Suprem Mojtaba Khamenei është në gjendje të mirë shëndetësore dhe po qeveris vendin” është shprehur ai. Sipas raportimeve të mediave të huaja këto komente të ministrit të Jashtëm kanë ardhur si një përgjigje ndaj raportimeve për mungesën e Khameneit në jetën publike dhe televizion që prej zgjedhjes së tij javën e kaluar.
“Situata në vend është e qëndrueshme”, ka shtuar më tej ministri i Jashtëm iranian.
Kujtojmë se jo më larg se dje presidenti Donald Trump deklaroi se ai nuk e dinte nëse Mojtaba Khamenei ishte ende gjallë, ndërsa Sekretari i Mbrojtjes Pete Hegseth deklaroi gjithashtu se Khamenei është “i plagosur dhe me shumë mundësi i shpërfytyruar”.
