Një ngjarje e rëndë është regjistruar pasditen e sotme në Sarandë, ku një 31-vjeçar dyshohet se ka dhunuar ish-bashkëjetuesen e tij dhe ka kanosur me armë zjarri atë dhe familjarët e saj.
Sipas informacionit paraprak, rreth orës 17:30, shtetasi K. C., 31 vjeç, banues në Borsh, ka shkuar në fshatin Shelegar, në banesën e ish-bashkëjetueses së tij, ku dyshohet se e ka dhunuar fizikisht.
Po ashtu, ai dyshohet se i ka kanosur me armë zjarri të renë dhe familjarët e saj, duke qëlluar disa herë në ajër.
Falë reagimit të shpejtë dhe punës së mirëorganizuar të shërbimeve të Policisë është bërë e mundur kapja e autorit të dyshuar të kësaj ngjarjeje.
Ndërkohë, grupi hetimor po vijon veprimet procedurale për dokumentimin e plotë të rrethanave të ngjarjes.
