Një zjarr i përmasave të konsiderueshme ka rënë mbrëmjen e kësaj të enjte, në një pallat në zonën e Ali Demit në Tiranë.
Sipas informacioneve paraprake, zjarri ka përfshirë katin e parë të pallatit, në rrethana ende të paqarta.
Nuk dihet nëse ka të lënduar, ndërkohë flakët janë përhapur me shpejtësi duke krijuar panik te banorët e zonës.
Policia dhe zjarrfikësja kanë shkuar në vendin e ngjarjes, për shuarjen e flakëve dhe zbardhjen e plotë të rrethanave të rastit.
