Objektivi nuk ka ndryshuar te Real Madridi. Klubi madrilen vazhdon të kërkojë përforcime në mesfushë dhe në listën e dëshirave mbetet i njëjti emër: Rodri i Manchester Cityt. Sipas OK Diario, “Los Blancos” janë ende të vendosur ta sjellin mesfushorin spanjoll dhe pritet të bëjnë një tjetër tentativë për transferimin e tij gjatë kësaj vere.
Ndërkohë, në Madrid vazhdon edhe pasiguria për rikthimet nga dëmtimet për ndeshjet e rëndësishme të sezonit. Më herët është raportuar se Real Madridi shpreson që sulmuesi francez të jetë gati për përballjen ndaj Manchester Cityt, por sipas të njëjtave burime, kampi i lojtarit nuk pajtohet me këtë optimizëm. Ata besojnë se ai nuk duhet të rrezikojë dhe të sakrifikojë asnjë ditë nga 100 ditët e mbetura deri te Botërori, duke e vendosur rikuperimin e plotë si prioritet absolut.
