Pas dekretimit nga presidenti Bajram Begaj të ndryshimeve në qeveri, këtë të premte bëhet betimi i ministrave të rinj që vijnë vetëm disa muaj pas zgjedhjeve të përgjithshme.
Një prej emrave që krijoi më shumë habi në publik ishte ai i deputetes se re të qarkut Vlorë, Erjona Ismaili.
Ajo u propozua për të mbajtur postin e Ministres së Shtetit për Marrëdhënien me Parlamentin.
“IliriaNews” shkruan se ministrja e re Ismaili mbërriti sot me taksi në pallatin e Brigadave për të bërë betimin e saj. Një ngjarje kjo e pazakontë për në Shqipëri, ku ministrat dhe deputetët lëvizin me eskortë.
Mbase kur të marrë disa rroga si ministre, edhe Erjona Ismaili do të ketë mundësi të lëvizë me eskortë.
