Në selinë e NATO-s në Evere, në periferinë verilindore të Brukselit, po zhvillohet një mbledhje e Këshillit të Atlantikut të Veriut, institucioni kryesor politik vendimmarrës i aleancës.
Takimi është thirrur për të diskutuar situatën e krijuar nga lufta në Iran dhe zhvillimet e fundit që lidhen me sigurinë në rajon.
Në qendër të diskutimeve është edhe incidenti i një dite më parë, kur një raketë iraniane që po shkonte drejt hapësirës ajrore të Turqisë u rrëzua nga mbrojtja e NATO-s.
Aleanca po vlerëson pasojat e këtij zhvillimi dhe ndikimin që mund të ketë për sigurinë e vendeve anëtare.
