Italia po planifikon të dërgojë ndihmë ushtarake në shtetet e Gjirit në fushën e mbrojtjes ajrore, pas sulmeve të fundit iraniane në rajon, tha të enjten kryeministrja e vendit, Giorgia Meloni. Duke folur për
stacionin radiofonik RTL 102.5, Meloni tha se Roma synon të veprojë në koordinim me vendet e tjera evropiane për të forcuar mbrojtjen ajrore të shteteve të Gjirit kundër kërcënimeve që paraqesin sulmet iraniane .
“Ashtu si Mbretëria e Bashkuar, Franca dhe Gjermania, edhe Italia synon të dërgojë ndihmë në shtetet e Gjirit, veçanërisht në fushën e mbrojtjes dhe konkretisht mbrojtjes ajrore”, tha kryeministrja italiane.
Ajo shpjegoi se ky vendim lidhet si me marrëdhëniet e Italisë me vendet e rajonit ashtu edhe me praninë e një numri të konsiderueshëm qytetarësh dhe forcash ushtarake italiane në Lindjen e Mesme .
“Kjo nuk është vetëm sepse këto janë vende mike, por kryesisht sepse dhjetëra mijëra italianë jetojnë në rajon dhe rreth 2,000 ushtarë italianë janë të vendosur atje – njerëz që ne duam dhe duhet t’i mbrojmë”, vuri në dukje ajo.
