Kryeministri i provincës më të populluar kanadeze, Ontarios, Doug Ford i është përgjigjur në të njëjtën gjuhë presidentit të zgjedhur të Shteteve të Bashkuara të Amerikës, Donald Trump në lidhje me propozimet e këtij të fundit për ta bërë Kanadasë shtetin e 51 të SHBA-ve.Teksa Trump ka lobuar fuqishëm gjatë ditëve të fundit për të blerë Grenlandën, kryeministri Ford i është kthyer me të njëjtën monedhë duke thënë se një mundësi tjetër është që Kanadaja të blejë Alaskën dhe pjesë të ofertës të bëjmë dhe Misotan dhe Minneapolis.
“Unë do t’i bëj Trump një kundërofertë. Po sikur të blejmë Alaskën dhe të shtojmë Minesotan dhe Minneapolis në të njëjtën kohë?” u shpreh ai.
Kjo deklaratë ka qenë një përgjigje në kuadrin e shakasë teksa kryeministri e ka cilësyar që ky është sitili i Trump, por kjo nuk e ndyshon faktin që Kanadaja nuk do të heqë dorë nga toka e saj dhe se shitja e Grenlandës nuk është një opsion.
“E marr seriozisht. Ai mund të jetë duke bërë shaka, por nën vëzhgimin tim kjo nuk do të ndodhë kurrë, kurrë,” vijon më tej Doug Ford.
Kujtojmë që dy ditë më parë kryeministri kanadez Justin Trudeau dha dorëheqjen nga posti drejtues pas 9 vitesh në pushtet. Kjo dorëheqje erdhi pas një sërë problematikash që qeveria po përballej kohët e fundit, shto këtu presionin e lartë tarifor që Trump po ushtron mbi Kanadanë duke tarifuar me 20% të gjitha mallrat e importuara nga Kanadaja.
Pas dorëheqjes së tij ,Trump bëri një reagim në rrjetin social “Truth Social” duke thënë se shumë kanadezë duan të bashkohen me SHBA-në. Gjithashtu ai ka postuar dhe një hartë duke supozuar sesi Kanadaja dhe Amerika do të dukeshin si një shtet i vetëm.
