Kreu i Grupit parlamentar të PD-së Gazment Bardhi foli në parlament në një replikë me kreun e grupit socialist Taulant Balla.
Bardhi tha se PD distancohet nga dhuna e korrupsionit dhe lidhjet e krimit me politikën.
Nga ana tjetër Bardhi përsëriti kërkesën e kreut të komisionit të Jashtëm europian, se PS duhet të distancohet nga korrupsioni i Ballukut dhe të heqë pa vonesë imunitetin e saj si deputete.
Bardhi: Ne distancohemi nga dhuna e korrupsionit, nga politikanët e lidhur me krimin e organizuar. Distancohemi nga çdo krim. Të vish në foltore dhe të mbash një fjali krejt normale të kryetarit të komisionit të Jashtëm, ndërkohë që të injorosh një fjalim të mbajtur për Shqipërinë ku i kërkon kësaj mazhorance të distancohet nga korrupsioni i Belinda Ballukut.
Së dyti, të mos vonojë asnjë moment më shumë heqjen e imunitetit në përballjen e saj me drejtësinë si qytetare e barabartë përpara ligjit. Koleg duhet të kesh parasysh që ne nuk rrijmë në paradhomën e Edi Ramës për të ditur se çfarë qokash bën ai me pronat e shqiptarëve.
Nuk e kemi këtë informacion. Fakti që një pronë publike i është kaluar një fondacioni francez u desh protesta e datës 28 që ta mësonim ne por edhe shqiptarët. Shqipëria nuk vuan nga simbolikat, vuan nga ajo që qëndron në themel, të kësaj qeverisje korrupsioni dhe krimi i organizuar. Kur të distancohesh nga krimi i organizuar dhe korrupsioni të plotësosh atë që thotë komisioneri i jashtëm, Balluku prit të themi ndonjë reagim ne.
