Tre persona me banim në Elbasan janë arrestuar në Tiranë, pasi dyshohet se kanë kryer disa vjedhje dhe tentativa vjedhjeje në biznese dhe banesa në zona të ndryshme të kryeqytetit.
Të ndaluarit janë shtetasit D. Ç., 31 vjeç, B. S., 56 vjeç dhe E. Gj., 33 vjeç. Sipas hetimeve, ata dyshohet se vepronin të organizuar dhe lëviznin nga Elbasani drejt Tiranës për të kryer vjedhje.
Sipas njoftimit të policisë, tre të arrestuarit dyshohet se kanë marrë para dhe sende me vlerë në disa biznese dhe banesa në rrugët “7 Nëntori”, “Migjeni”, “Ribez” dhe në zonën e Prushit. Po ashtu, ata akuzohen për disa tentativa vjedhjeje në kompani të ndodhura në Vaqarr, Fushë-Mëzez dhe Marikaj.
