Një aksidenti i rëndë është regjistruar këtë të premte në Milano, ku një tramvaj i linjës lokale ka dalë nga shinat, duke goditur një ndërtesë dhe përplasur disa persona.
Ngjarja ndodhi rreth orës 16:00 në viale Vittorio Veneto, ndërsa tramvaji po lëvizte nga piazza Repubblica drejt Porta Venezia.
Autoritetet italiane raportojnë se dy persona kanë humbur jetën si pasojë e aksidentit, ndërsa 39 të tjerë kanë mbetur të plagosur dhe po marrin ndihmë mjekësore nga ekipet e emergjencës.
Në vendngjarje po punojnë ambulancat dhe shërbimet e sigurisë për të asistuar të plagosurit dhe për të menaxhuar situatën.
Shkaku i aksidentit nuk është ende i qartë. Zyrtarët e transportit publik dhe policia po kryejnë hetime për të përcaktuar nëse incidenti ka ndodhur për shkak të një problemi teknik me tramvajin, gabimi të operatorit apo faktorë të tjerë të jashtëm.
Përplasja e tramvajit me ndërtesën ka shkaktuar dëme materiale dhe ka shkaktuar panik mes qytetarëve që ndodheshin pranë vendngjarjes. Disa dëshmitarë raportojnë se kanë dëgjuar britma dhe kanë parë njerëz duke u larguar me shpejtësi nga zona e aksidentit.
Autoritetet kanë bërë thirrje që banorët të shmangin rrugën viale Vittorio Veneto për të lehtësuar punën e emergjencës dhe hetuesve. Ndërkohë, transporti publik në zonë është ndërprerë dhe linjat e tramvajit po ri-rregullohen për të vazhduar shërbimin.
