Tottenham ka njoftuar se ka zgjatur edhe me një vit kontratën e Heung-min Son. Kontrata aktuale skadonte këtë verë, ndaj ajo është shtyrë deri në vitin 2026.
Një rinovim që ka ardhur vetëm dy ditë pas lajmit se Barcelona ishte interesuar për 32-vjeçarin, që synonte ta merrte me koston zero këtë verë.
Duket se Spurs nuk kanë dashur të heqin dorë nga kapiteni i tyre, duke rinovuar kontratën e koreano-jugorit, që luan me këtë fanellë që prej vitit 2015.
“Ne jemi të kënaqur të njoftojmë se kemi ushtruar opsionin për të zgjatur kontratën e Heung-Min Son edhe me një vit, e cila tani do të zgjasë deri në verën e vitit 2026”, thuhet në një deklaratë në faqen e internetit të Tottenham.
