Një 35-vjeçar i shpallur në kërkim ndërkombëtar nga Interpol Roma u arrestua sot në qytetin e Shkodrës.
Sipas burimeve zyrtare, i ndaluari është Izmir Dunga.
Ky shtetas ishte shpallur në kërkim nga autoritetet italiane për ekzekutimin e masës së sigurisë “arrest në burg”, të caktuar nga Gjykata e Milanos.
Ai akuzohet për veprat penale të trafikimit të lëndëve narkotike dhe pjesëmarrjes në organizatë kriminale, të parashikuara nga Kodi Penal i Italisë.
Pas ndalimit, do të nisin procedurat e ekstradimit nëpërmjet Interpol Tiranës.
