Dy persona janë arrestuar nga Policia në Tiranë, pasi akuzohen për ushtrim të aktivitetit të prostitucioni.
Sipas Policisë, në kuadër të operacionit “Network 3”, janë arrestuar shtetasit R. F., 20 vjeç, dhe A. S., 39 vjeç, të dy banues në Tiranë.
Në bashkëpunim me njëri-tjetrin këta shtetas shfrytëzonin për prostitucion një shtetase nga Azerbajxhani, e cila kryente aktivitetin në një apartament me qira në rrugën “Mihal Guri”.
Gjatë veprimeve u sekuestruan në cilësinë e provës materiale, një shumë parash e dyshuar si përfitim nga kjo veprimtari e paligjshme, si dhe 4 celularë.
Materialet procedurale iu referuan Prokurorisë së Tiranës për veprime të mëtejshme hetimore.
