Joao Cancelo, i cili u kthye te Barcelona pas një huazimi në sezonin 2023/24 nga Al Hilal, duket se po pendon për vendimin e tij. Pas vetëm një muaji në klubin katalanas, ai është lënë mënjanë nga trajneri Thomas Flick, i cili në ndeshjen kundër Gironës preferoi të aktivizojë Gerard Martin, një mbrojtës qendror, në vend të tij.
Transferimi i Cancelo ishte i përfolur në tregun e janarit, ku Interi, një klub tjetër që ai kishte përfaqësuar më parë, ishte gjithashtu i interesuar për shërbimet e tij. Pavarësisht se zikaltrit dukeshin në avantazh për të siguruar angazhimin e tij, ai vendosi të rikthehej te Barcelona, duke shpresuar për një rol më aktiv në skuadër. Agjenti i tij, Jorge Mendes, zhvilloi negociata me drejtuesit e klubit për të siguruar rikthimin e tij, por rezultati deri më tani është zhgënjyes.
Sipas gazetës AS, ai po konsiderohet si blerja e parë e gabuar nga Deco dhe kritikave u janë shtuar për paraqitjet e tij modeste. Artikulli thekson se, përkundër presioneve për të qënë një blerje që do të kishte impakt të menjëhershëm, paraqitjet e Cancelo deri tani nuk kanë arritur të përmbushin pritshmërinë. Madje, kritikat theksojnë se ky transferim ka ndodhur kryesisht për shkak të lidhjeve të forta mes Mendes dhe drejtuesve të Barcelonës, ndërsa Flick preferonte një qendërmbrojtës të ri, duke lënë Cancelo në rolin e rezervës.
Si rezultat, portugezi, i cili shpresonte të luante me më shumë vazhdimësi, po kalon një moment të vështirë dhe duket se se vendimi për të lënë Interin për Barcelonën nuk ka sjellë rezultatin e dëshiruar. Mbetet për t’u parë se si do të zhvillohet situata e tij në muajt në vijim, por nëse do të kishte mbetur te Interi, mund të kishte pasur një trajtim ndryshe.
