Gjatë një tubimi të organizuar nga Partia Demokratike në Tiranë, një grup protestuesish ka hedhu lëndë piroteknike, përfshirë molotovë, dhe është përleshur me punonjësit e Policisë. Ngjarja ndodhi mbrëmjen e djeshme dhe për pasojë, 46 individë janë identifikuar nga autoritetet, prej të cilëve 18 janë arrestuar, ndërsa 28 të tjerë janë proceduar penalisht.
Policia ka sekuestruar 25 molotovë të pashpërthyer, 27 celularë dhe disa sende të tjera të paligjshme. Grupi hetimor i Policisë ka përfunduar veprimet e para hetimore lidhur me sjelljen e protestuesve, të cilët e kanë kundërshtuar autoritetin e Policisë që kishte marrë masa për ruajtjen e institucionet shtetërore dhe garantimin e rendit publik.
Mes të arrestuarve janë individë nga grupmosha të ndryshme, duke përfshirë dhe disa tashmë të identifikuar si minorenë. Po ashtu, ndaj një deputeti, K. B., janë nisur procedime në gjendje të lirë për “Organizimin dhe pjesëmarrjen në grumbullime dhe manifestime të paligjshme”.
Policia e Tiranës vazhdon hetimet për identifikimin e shtetasve të tjerë që kanë marrë pjesë në akte të paligjshme gjatë këtij tubimi. Të gjitha materialet procedurale janë dërguar në Prokurorinë e Tiranës për veprime të mëtejshme.
Ky incident vjen në një moment delikat për Shqipërinë, ku tensionet politike janë të larta. Tubime të ngjashme, që synojnë të shprehin mendimet e opozitës, shpesh shoqërohen me përplasje me autoritetet, duke ngjallur shqetësime për rendin dhe sigurinë publike. Autoritetet synojnë të ruajnë qetësinë dhe të sigurojnë që protestat të mos shkelin ligjet në fuqi.
