Detaje të reja mëson nga ngjarja e rëndë e ndodhur pasditen e sotme në Tiranë ku u vra me thikë 32-vjeçari Egli Pashollari.
Ngjarja ndodhi orës 15:40 në rrugën “Kongresi i Lushnjes”.
Viktima Egli Pashollari sapo ka dalë nga makina është sulmuar menjëherë nga 3 persona, 2 djem dhe 1 vajzë.
Gjatë përleshjes fizike, njëri prej djemve e ka goditur të paktën një herë në kurriz.
Pashollarit i është dhënë ndihma e parë pranë një lokali dhe direkt me makinën e tij është nisur drejt spitalit nga disa persona të tjerë, dëshmitarë në vendngjarje.
Ai nuk ka mundur të mbijetojë dhe ka humbur jetën rrugës për në spital.
Ndërkohë policia bën me dije se ka identifikuar autorët, të dhënat e të cilëve nuk jepen, për shkak se hetimi vijon. Punohet intensivisht për kapjen e tyre.
