Shqipëria dhe Kosova ishin mes 50 shteteve që firmosën sot themelimin e Bordit të Paqes, në një ceremoni të zhvilluar në ambientet e United States Institute of Peace “Donald J. Trump” në Washington, D.C.
Politico ka bërë një analizë të asaj që ndodhi në Uashington, ku pas fjalimeve përkatëse, kryeministri Edi Rama dhe presidentja e Kosovës, Vjosa Osmani u panë duke biseduar për disa sekonda të veçuar me presidentin Trump.
Sipas Politico, në mimikën e Ramës shihet shumë tension gjatë diskutimit për pak sekonda me presidentin amerikan, madje në një moment Rama shihet tejet i acaruar me përgjigjet që merr prej Trump, teksa kthen kokën mënjanë.
Nuk dihet se çfarë kanë biseduar mes tyre, por kujtojmë se gjatë fjalës së tij, kryeministri Rama i kërkuar presidentit të Shteteve të Bashkuara të Amerikës që të ndërmarrë hapa lidhur me procesin në Gjykatën Speciale në Hagë ndaj ish krerëve të UÇK-së.
