Mbahet sot në GJKKO seanca e radhës paraprake për dosjen në ngarkim të Ilir Metës, Monika Kryemadhit dhe tre personave të tjerë.
Avokati i ish presidentit, Kujtim Cakrani është paraqitur sot në gjykatë pasi u dhunua disa ditë më parë nga dy persona në Vlorë dhe përfundoi në spital.
Në një komunikim të shkurtër me gazetarët, ai theksoi se nuk i ka ndodhur asnjë gjë dhe se është si një bej, si një hekur që përthyhet por nuk thyhet.
“Nuk i ka ndodhur asgjë avokatit, avokati është bej. Belerët janë si hekuri që përthyhet por nuk thyhet. Beteja vazhdon.” , u shpreh avokati i Metës.
Kujtojmë që seanca e kaluar u shty për shkak të mungesës së tij.
