Juventus po shqyrton mundësinë për të transferuar mesfushorin e Manchester City, Bernardo Silva, në verën e 2026-ës si lojtar i lirë.
Portugezi 31-vjeçar, kontrata e të cilit me “Citizens” skadon në fund të sezonit, është në listën e objektivave të mundshëm të klubit nga Torino. Sipas La Gazzetta dello Sport, përveç Silva-s, bardhezinjtë kanë në radar edhe mesfushorin e Atalantës, Ederson.
Për Juven, afrimi i një lojtari me përvojë dhe cilësi si Bernardo Silva mund të ishte një lëvizje kyçe për të forcuar skuadrën dhe për të rritur konkurrencën në mesfushë. Shkathtësia e tij dhe eksperienca në nivelet më të larta të futbollit europian shihen si elementë që mund ta ndihmojnë klubin të rikthehet në majat e futbollit italian.
Këtë sezon, Bernardo Silva ka luajtur 35 ndeshje në të gjitha kompeticionet, duke shënuar 2 gola dhe duke dhënë 5 asistime.
