Sekretari amerikan i Shtetit, Marco Rubio, ka paralajmëruar se bota po hyn në një fazë të re gjeopolitike, ndërsa udhëton drejt Europës për të marrë pjesë në Konferencën e Sigurisë në Mynih.
Rubio do të udhëheqë delegacionin e Shteteve të Bashkuara në këtë forum të rëndësishëm ndërkombëtar, i cili zhvillohet në një moment tensioni në marrëdhëniet transatlantike. Deklaratat e tij vijnë pas qëndrimeve të Presidentit amerikan Donald Trump lidhur me sovranitetin e Danimarkës dhe premtimin për aneksimin e Groenlandës.
“Bota po ndryshon shumë shpejt para nesh. Ne jetojmë në një epokë të re në gjeopolitikë dhe kjo do të kërkojë që të gjithë të rishqyrtojmë rolin tonë”, u shpreh Rubio para gazetarëve, i pyetur nëse mesazhi i tij për europianët do të ishte më pajtues krahasuar me një vit më parë.
Në prag të konferencës, Presidenti francez Emmanuel Macron ka theksuar se Europa duhet të përgatitet për më shumë pavarësi nga SHBA-të, ndërsa Sekretari i Përgjithshëm i NATO-s, Mark Rutte, ka nënvizuar se lidhjet transatlantike mbeten të forta dhe thelbësore.
