Policia e Tiranës i ka komunikuar një ditë më parë Sali Berishës vendimin e GJKKO të masën e sigurisë “detyrim paraqitje” në banesë. Sipas mediave Berisha sërish nuk ka firmosur marrjen në dijeni për rikthimin e masës nga GJKKO.
Por cfarë do të bëjë ai, a do të paraqitet përpara OPGJ-së? Ish-kryeministri Berisha deklaroi sot se argumenti i gjykatës së apelit për masën e sigurisë është se ka trembur dëshmitarët.
“SKAP-istët të tmerruar kanë kërkuar vendosjen e masave të sigurisë sepse Berisha po sulmon SPAK-un dhe Gjykatën, Irenën me 5 mbiemra dhe Dumanin me 4 banesa.
Sipas tyre në këtë mënyrë, pasi po sulmon gjykatat dhe tremben dëshmitarët. 130 dëshmitarë kanë dëshmuar se nuk kanë marrë kurrë asnjë porosi, asnjë gjë të vetme nga Berisha.
Çfarë do të tremben ata që nuk kanë thënë asnjë gjë për Sali Berishën. Zbatuan urdhrin e Edi Ramës sepse janë tmerruar nga denoncimet. Këtë arsyetim e mësova nga avokati. Sidoqoftë çështja në Strasburg. Unë në gjykatë do të paraqitem, e kam bërë të qartë.
Parlamenti ka dhënë një autorizim për arrestimin tim” tha ai. Por a e pengon kjo masë për zgjedhjet? Berisha mori shembullin e Donald Trump dhe theksoi se në fund edhe ai do të fitojë.
