Spekulimet për një smartphone nga SpaceX po qarkullojnë në media, me fokus në një pajisje që do të lidhet drejtpërdrejt me satelitët e kompanisë. Sipas Reuters, kompania e themeluar nga Elon Musk po eksploron mundësitë për produkte të reja të lidhura me Starlink, përfshirë një smartphone të markës Starlink. Edhe pse detajet janë të pakta, ideja përqendrohet në një aparat që do të mundësonte lidhje direkt me grumbullin në rritje të satelitëve të SpaceX.
Musk ka hedhur poshtë idenë se kompania po zhvillon një smartphone tradicional, duke shkruar në X (ish Twitter) se “ne nuk po zhvillojmë një telefon.” Megjithatë, ai nuk e përjashtoi mundësinë e një pajisjeje krejtësisht të ndryshme, duke sugjeruar se një telefon Starlink “nuk është jashtë pyetje” ndonjëherë, por do të dukej shumë ndryshe nga smartphones që ne njohim sot.
SpaceX ka filluar tashmë të hyjë në fushën e lidhjes mobile. Ajo ka bërë një partneritet me T-Mobile për të sjellë akses Starlink në smartphones ekzistuese dhe vitin e kaluar nënshkroi një marrëveshje për të blerë spektrin e satelitëve nga EchoStar, e vlerësuar në 19.6 miliardë dollarë.
Aktualisht, SpaceX operon më shumë se 9,500 satelitë, duke shërbyer mbi 9 milion përdorues në mbarë botën. Rreth 650 satelitë janë të dedikuar për programin e tij direkt-te-pajisje, që synon të ofrojë mbulim celular në të gjithë globin, përfshirë edhe vendet e largëta. Megjithatë, në fillim të këtij viti, SpaceX njoftoi se do të ulte gradualisht rreth 4,400 satelitë nga një lartësi prej 550 kilometrash në 480 kilometrash, për arsye të sigurisë kozmike.
Michael Nicholls, zv.president i inxhinierisë në SpaceX, tha se ulja e satelitëve në një lartësi më të ulët do të bëjë operacionet më të sigurta, duke reduktuar rreziqet që vijnë nga manovrat e papërkoordinuara të operatorëve të tjerë. Ky vendim u mor pas një incidenti të veçantë në dhjetor, kur një satelit i SpaceX krijoi një sasi të vogël mbetje dhe ndërpreu komunikimin me një anije kozmike në një lartësi prej 418 kilometrash.
