Kryeministri izraelit, Benjamin Netanyahu, do të takohet me Presidentin amerikan, Donald Trump, në Washington të mërkurën për të diskutuar mbi bisedimet e fundit me Iranin në lidhje me programin e tij bërthamor. Zyra e Netanyahu-s njoftoi se ai beson se çdo negociatë duhet të përfshijë kufizimin e raketave balistike dhe ndalimin e mbështetjes për grupet militante që mbështeten nga Teherani.
Bisedimet mes SHBA-ve dhe Iranit ishin zhvilluar në mënyrë indirekte të premten në Oman, ku duket se janë kthyer në pikën zero përsa i përket qasjes së diskutimeve në lidhje me programin bërthamor të Iranit. Trump i quajti bisedimet “shumë të mira” dhe theksoi se ishin planifikuar të tjera për javën e ardhshme, me midis përfaqësuesve të SHBA-ve Steve Witkoff dhe Jared Kushner, të afërtin e tij.
Presidenti Trump ka kërcënuar vazhdimisht se do të përdorë forcën për të detyruar Iranin të arrijë një marrëveshje mbi programin e tij bërthamor. Kjo është pas dërgimit të anijes së tij luftarake, USS Abraham Lincoln dhe anijeve të tjera në rajon, në mes të represionit të Teheranit ndaj protestave që kanë shkaktuar mijëra të vdekur.
Ministri i Jashtëm i Iranit, Abbas Araghchi, e cilësoi programin e raketave të Iranit si “kurrë të negociueshëm”. Ai ritheksoi se ka një “mospërputhje të thellë besimi” pas ngjarjeve të kaluara, kur SHBA bombardoi vendet bërthamore iraniane gjatë konfliktit të vitit të kaluar mes Izraelit dhe Iranit. Araghchi kërcënoi se Teherani do të sulmojë bazat amerikane në rajon nëse SHBA do të sulmojë territorin iranian.
Ai e përshkroi bisedimin si “një fillim të mirë”, por insistoi se ka ende një rrugë të gjatë për të ndërtuar besimin. Së fundi, ai kritikoi atë që e quajti “doktrin dominimi” që i lejon Izraelit të shtojë arsenalin e tij ushtarak, ndërsa ushton shtetet e tjera të rajonit të demilitarizojnë.
