Kreu i PD Sali Berisha, ka akuzuar kryeministrin Edi Rama se ka kaluar gjithë ditën në zyrë duke u marrë me gjykatësit në lidhje me çështjen Balluku.
Deklarata u bë gjatë takimit të tij me anëtarët e degëve 8 dhe 10 të Partisë Demokratike në Tiranë.
Berisha u shpreh se shqiptarët prej 13 vitesh ndodhen nën presion, përçmim dhe nënvlerësim nga qeveria aktuale.
“Ajo ia ka bërë benë. Sot ka ndenjur gjithë ditën në zyrë duke u marrë me gjykatësit, duke çuar mesazhe, në mënyrë që të marrin vendimin në favor të Lubisë”, tha Berisha.
Ai shtoi më tej se Edi Rama nuk ka ku shkon më, megjithë ultimatumin që ka marrë se “jemi të gatshëm të ndërmarrim një proces që nuk ekemi ndërmarrë kurrë, të zhbëjmë procesin e integrimit” ai gjithë ditën duke punuar për vendimin që do të dalë sonte.
“Ky është zhvillimi më i fundit dhe unë nuk mund ta injoroja. Pra është një thirrje e madhe për ne, një gjë duhet tju rikujtoj. Në këtë situatë, shpresa e vetme jemi ne. Shpesh me të drejtë thonë jo njerëzit nuk kanë shpresë”, tha ai.
