E ftuar në “Live From Tirana” me Ronaldo Sharkën, ka qenë astrologia Elena Demollari. Ajo ka lexuar letrat tarot duke parashikuar se si do të jetë muaji shkurt për secilën shenjë të zodiakut.
Pjesë nga biseda:
Duke qenë se Shkurti ka brenda Ditën e Shën Valentinit, çfarë pritet në përgjithësi nga të gjitha shenjat? Kush do të jetë kryefjala e këtij muaji në aspektin romantik?
Duhet të kenë kujdes sepse ka dhe persona që ndahen ditën e Shën Valentinit. Ka dhe persona që ribashkohen, ka persona që kanë qenë të ndarë deri tani dhe do të ribashkohen përsëri. Mund të kenë dhe fillime të reja. Vjet kam pasur një kliente dhe ishte ndarë ditën e Shën Valentinit dhe shkak ka qenë një parfum. I dhuroi një parfum të dashurit dhe në atë moment janë ndarë. Kjo është e vërtetë, parfumi është ndarje. Mund të dhuroni një tufë me lule, byzylukë ose varëse, rroba ose këpucë.
Ka shumë njerëz që bëjnë magji në Shqipëri?
Ka. Kur ne kemi folur për astrologjinë, kemi folur dhe për magjinë, por astrologjia nuk ka fare lidhje me magjinë. Së fundmi një klient, më çon një foto që ishte bërë një magji. Brenda kishte flokë të zeza të gjata, thonj të prerë dhe gjilpëra. Këtë e kishte gjetur në shtëpi në Kosovë, duke pastruar dhe më kontakton. Një muaj më parë kur i kisha bërë parashikimin, ai ishte ndarë me nusen, për arsye të kota, nuk kishin tradhti me njëri-tjetrin, por për një debat. Unë i thashë që pas një muaji do gjesh diçka, se kështu më tha intuita ime, unë futem shumë në energji dhe i kuptoj njerëzit, kush është negativ dhe pozitiv.
Çfarë duhet bërë në rastin që gjejmë një magji?
Në momentin që gjejmë një magji, nuk duhet të digjet, duhet të lidhet në lumë. Do e kapësh me doreza dhe do e hedhësh në lumë. Ka disa lloje magjishë, magji voodoo, magji shqiptare, magji me vezë. I shikoj në rrjete sociale, në TikTok. Bëjnë sikur bëjnë magji, sepse është magji false. Është e dënueshme, jam kundra këtyre gjërave.
