Bordi i Arsenal ka marrë një qëndrim shumë të ashpër për të ardhmen e **Mikel Arteta. Klubi londinez raportohet se është gati të ndahet me trajnerin nëse skuadra nuk fiton Premier League këtë sezon.
Sipas GiveMeSport, drejtuesit e Arsenalit e konsiderojnë këtë ultimatum të justifikuar: me këtë skuadër, këto burime dhe pozicionin aktual në renditje, çdo gjë më pak se titulli shihet si e papranueshme.
Megjithëse “Gunners” janë aktualisht në krye të kampionatit dhe kanë një avantazh prej katër pikësh ndaj rivalit më të afërt, rezultatet e fundit kanë ngritur shqetësime. Në tre javët e fundit, Arsenali nuk ka arritur asnjë fitore: barazime ndaj Liverpool dhe Nottingham Forest, si edhe një humbje dramatike 2–3 në shtëpi ndaj Manchester United, kanë rritur ndjeshëm presionin rreth ekipit.
