Barcelona ka marrë një lajm shumë të mirë para ndeshjes së sotme ndaj Copenhagenit në Champions League. Klubi katalanas njoftoi në faqen zyrtare në rrjetin social X se sulmuesi 25-vjeçar Ferran Torres është rikuperuar plotësisht nga dëmtimi dhe është i autorizuar nga mjekët për të luajtur në përballjen e javës së 8-të.
Torres u dëmtua në muskujt e pasëm të kofshës (hamstring) gjatë ndeshjes së javës së 20-të në La Liga kundër Real Sociedad, ku u zëvendësua në minutën e 62-të. Procesi i rikuperimit i zgjati rreth 10 ditë, çka e detyroi të mungonte në katër ndeshje, por tani sulmuesi spanjoll është sërish në formë dhe gati për rikthim në fushë.
Këtë sezon, Ferran Torres ka zhvilluar 27 ndeshje me Barcelonën, duke shënuar 15 gola dhe duke dhënë 1 asist.
