Ky është 29-vjeçari Enea Thomaraj, i cili ndërroi jetë pas tre muajsh në spital. I riu mbeti i plagosur rëndë pas shpërthimit të një sasie tritoli në derën e shtëpisë së motrave Alda dhe Xhovana Nikolli.
I riu nuk ka arritur t’i mbijetojë plagëve të marra dhe ka mbyllur sytë në spitalin e Traumës, ku ndodhej që prej 14 korrikut.
Tritoli shpërtheu në shtëpinë ku jetonin me qira Alda dhe Xhovana Nikolli, ngjarje për të cilën ato akuzuan Altin Dumanin. Megjithatë, ende sot nuk është zbardhur ngjarja dhe nuk janë identifikuar autorët.
Kush janë motrat Nikolli
Alda Nikolli ka deklaruar në Prokurorinë e Posaçme se prej dy muajsh ka qenë e lidhur me Nuredin Dumanin dhe me këtë të fundit, edhe pse mbahet i izoluar ka patur komunikime të shpeshta përms “Skype”.
Ndërkohë motra tjetër, Xhovana Nikolli njihet për lidhjen e saj me Amarildo Nikollin i cili u arrestua nga policia rreth një vit më parë, si i dyshuar që ishte porositur për të vrarë dy persona në qytetin e Vlorës.
‘Shkodrani’, siç edhe thirret nga shoqëria, po qarkullonte me armë zjarri me silenciator dhe me fishek në fole, gati për qitje dhe dyshohej se kishte ardhur nga Italia në Shqipëri për të kryer një vrasje me pagesë.
Nikolli ka këkruar të marrë statusin e të penduarit të drejtësisë dhe dyshohet se ka zbardhur dhe porosinë e vrasjes qe ai ishte nisur ta kryente në qytetin e Vlorës, e po ashtu dhe disa vrasje të tjera të bujshme në vendin tonë.
Xhovana edhe pse Amarildo është në qelinë e 313 ka gjetur mënyra të ndryshme për t’i qëndruar pranë të dashurit të saj, duke dërguar dron gjatë momentit që ishte në ajrim, apo dhe duke shkuar ne burgun e 313 e veshur si nuse video të cilat janë edhe në profilin e saj në Tiktok. /ilirianews
