Guvernatori i Minesotës, Tim Walz ka zhvilluar një bisedë telefonike me presidentin amerikan, Donald Trump. Kështu ka zbuluar Trump përmes një postimi në “Truth Social”. Telefonata vjen pas të shtënave me armë zjarri ndaj Alex Pretti-t në Minneapolis i cili humni jetën.
Trump e cilësoi telefonatën si shumë të mirë dhe se Walz, do të zhvillojë një telefonatë me Tom Homan, carin kufitar i cili po dërgohet në Minneapolis.
“Guvernatori Tim Walz më telefonoi me kërkesën për të bashkëpunuar në lidhje me Minesotën. Ishte një telefonatë shumë e mirë dhe, në fakt, dukej se ishim në një gjatësi vale të ngjashme. I thashë Guvernatorit Walz se do ta telefonoja Tom Homan dhe se ajo që po kërkojmë janë të gjithë kriminelët që ata kanë në zotërim.
Guvernatori, me shumë respekt, e kuptoi këtë dhe unë do të flas me të në të ardhmen e afërt. Ai ishte i lumtur që Tom Homan do të shkonte në Minesota, dhe unë jam gjithashtu! Kemi pasur SUKSES kaq të jashtëzakonshëm në Uashington, D.C., Memfis, Tennessee dhe Neë Orleans, Luiziana, dhe praktikisht në çdo vend tjetër që kemi “prekur” dhe, madje edhe në Minesota, krimi ka rënë shumë, por si unë ashtu edhe Guvernatori Walz duam ta përmirësojmë”, shkruan Trump.
