Presidenti ukrainas, Volodymyr Zelnesky tha se, dokumenti i SHBA-së mbi garancitë e sigurisë për Ukrainën është gati. Sipas Zelensky-t, Kievi po pret të dijë se kur dhe ku do ta nënshkruajë atë.
Në një konferencë për shtyp në Vilnius të Lituanisë, presidenti ukrainas deklaroi se, dokumenti do të dërgohet më pas për ratifikim në Kongresin e SHBA-së dhe në parlamentin ukrainas.
“Dokumenti amerikan mbi garancitë e sigurisë për Ukrainën është gati dhe Kievi po pret të dijë se kur dhe ku do ta nënshkruajë atë.Për ne, garancitë e sigurisë janë kryesisht garanci sigurie nga Shtetet e Bashkuara. Dokumenti është 100% gati dhe ne po presim që partnerët tanë të konfirmojnë kohën dhe vendin ku do ta nënshkruajmë atë. Dokumenti do të dërgohet më pas për ratifikim në Kongresin e SHBA-së dhe në parlamentin ukrainas”, tha presidenti Zelensky./
