Carlos Alcaraz ka bërë një fillim të shkëlqyer në Australian Open, duke eliminua australianin ëalton me rezultatin 3-0. Tenisti spanjoll, që mban titullin numri 1 në botë, e kompletoi ndeshjen brenda 2 orëve e 5 minutave. Pas një fillimi të fortë, Alcaraz u ndesh me disa sfida në setin e dytë, por arriti ta fitojë atë me 7-6, për të përfunduar ndeshjen me sete 6-3, 7-6, dhe 6-2. Në raundin e ardhshëm, ai do të përballet me Hanfmann.
Po ashtu, Alexander Zverev, tenisti gjerman dhe numri 3 në botë, kaloi në raundin e dytë pas një ndeshje të vështirë ku eleminoi Diallo me rezultatin 3-1. Zverev e filloi ndeshjen keq, duke humbur setin e parë 6-7, por reagoi me forcë, duke fituar tri setet e tjera 6-1, 6-4 dhe 6-2. Mes të tjerëve, u kualifikuan edhe Moutet dhe Cerundolo, ndërsa eliminimi më i bujshëm i ditës ishte ai i Cobollit, që ishte i renditur i 20-ti në botë.
Në garën e femrave, Aryna Sabalenka, tenistja bjelloruse, kaloi lehtësisht në raundin e dytë pas fitores ndaj francezes Rakotomanga Rajaonah me sete 6-4 dhe 6-1. Sabalenka tani do të përballet me Zhuoxuan Bai, që e eliminoi Pavlyuchenkova pas një sfide të fortë (2-1: 6-4, 2-6, 7-6). Në anën tjetër, Svitolina arriti të kalojë me lehtësi rrethin e saj, duke eliminuar spanjollen Buksa, ndërsa Alexandrova u eliminua.
Një ngjarje e veçantë ishte edhe rikthimi i Venus Williams, e cila në moshën 45-vjeçare e nisi kampionatin me një fitore në setin e parë, por përfundimisht u mposht nga Danilovic në dy setet e tjera, 6-3 dhe 6-4. Kështu, ditës së parë të Australian Open iu dhanë shumë emocione dhe befasi për tifozët e tenis.
