Autostrada Tiranë-Elbasan është bllokuar thuajse plotësisht gjatë mbrëmjes së sotme, për shkak të një fluksi të madh automjetesh. Makinat janë bllokuar në disa pika të autostradës, duke krijuar radhë kilometrike që shtrihen nga hyrja e autostradës deri te rrethrrotullimi i Bradasheshit.
Shtimi i automjeteve ka bërë të pamundur lëvizjen e shpejtë dhe ka shkaktuar vonesa të mëdha për drejtuesit e mjeteve.
Fluksi i qytetarëve që udhëtojnë për festat e fundvitit ka krijuar kaos në shumë akse të vendit, duke reflektuar një rritje të konsiderueshme të trafikut. Ndërkohë, problemi i infrastrukturës rrugore dhe puna për përmirësimin e disa akseve po ndikon negativisht në përshpejtimin e lëvizjes së automjeteve
