Liverpooli ka marrë një lajm të mirë para javës së 22-të të Premier League kundër Burnleyt: Mohamed Salah është rikthyer në skuadër, pas eliminimit të Egjiptit nga AFCON.
Trajneri Arne Slot e vlerësoi maksimalisht ndikimin e 33-vjeçarit dhe theksoi se çdo tension i mundshëm mes tyre i përket së kaluarës: “Jam i lumtur që Mo Salah po kthehet. Mo është shumë i rëndësishëm për këtë klub dhe për mua. Edhe sikur të kisha 15 sulmues, prapë do të isha i lumtur ta shihja Mo-n të rikthehej, por kjo nuk është situata jonë.”
Egjipti u eliminua nga AFCON 2025 pas humbjes 1-0 ndaj Senegalit në gjysmëfinale.
Këtë sezon, Salah ka luajtur 20 ndeshje me Liverpoolin në të gjitha kompeticionet, duke shënuar 5 gola dhe dhënë 4 asistime.
