Një aksident i rëndë rrugor ka ndodhur mëngjesin e sotëm në autostradën A1 në Slloveni, në segmentin mes Lubjanës dhe Mariborit, pranë zonës së Slovenska Bistricës, duke shkaktuar vdekjen e një të riu shqiptar.
Viktima është identifikuar si Leun Kastrati, 28 vjeç, me origjinë nga fshati Turjakë i Malishevës, Kosovë.
Sipas raportimeve nga vendi, aksidenti ka ndodhur rreth orës 08:00, kur një autocisternë që lëvizte drejt Mariborit humbi kontrollin, goditi barrierën ndarëse dhe u përmbys në kahun e kundërt të autostradës, duke përplasur një furgon që po udhëtonte në drejtim të kundërt.
Përplasja rezultoi fatale për të riun shqiptar, ndërsa dy persona të tjerë kanë mbetur të plagosur dhe po marrin trajtim në spital.
