Álvaro Arbeloa ka folur pas eliminimit befasues të Real Madridit nga Copa del Rey, pas humbjes ndaj Albacete-s, skuadër që garon në divizionin e dytë në Spanjë. Në konferencën pas ndeshjes, trajneri i ri i “Los Blancos” mori përsipër përgjegjësinë dhe u shpreh se nuk do të ndryshonte asnjë nga vendimet e tij.
“E ndërtova një ekip të aftë për ta mundur Albacete-n. Nuk pendohem për asgjë dhe do të bëja sërish të njëjtat zgjedhje,” deklaroi Arbeloa.
Ai theksoi gjithashtu sa shumë i vlerëson lojtarët dhe punën me grupin: “Kam një skuadër të jashtëzakonshme. Është privilegj për mua të jem trajneri i tyre. Do ta drejtoja këtë grup përsëri pa hezitim.”
Kjo ishte ndeshja e parë e Arbeloas në krye të Real Madridit dhe debutimi i tij përfundoi me zhgënjim, pasi madrilenët u eliminuan pas humbjes 2-3 ndaj Albacete-s. Ndeshja e radhës për Real Madridin është planifikuar të shtunën, më 17 janar, në orën 14:00 (CET).
