Një banesë është përfshirë nga zjarri mëngjesin e sotëm në lagjen nr.13 në Korçë. Policia bën me dije se si pasojë e asfiksisë ka ndërruar jetë shtetasja F.P, 73 vjeç.
“Më datë 15.01.2026, rreth orës 09.10, në lagjen nr. 13, Korçë, ka rënë zjarr në banesën e shtetases F. P., rreth 73 vjeçe, e cila si pasojë e asfiksisë, ka ndërruar jetë. Shërbimet e policisë dhe të zjarrfikëses ndodhen në vendngjarje, për të bërë të mundur shuarjen e zjarrit”, thuhet në njoftim.
Grupi hetimor po punon për të përcaktuar shkakun e rënies së zjarrit dhe për të bërë dokumentimin e plotë të rrethanave të ngjarjes.
