Një aksident rrugor është regjistruar mbrëmjen e së hënës në bulevardin kryesor të Kavajës, ku janë përfshirë dy automjete tip “Golf”.
Sipas informacionit paraprak, drejtuesi i njërit prej mjeteve dyshohet se ka humbur vëmendjen dhe kontrollin, duke u përplasur me një automjet të parkuar.
Për shkak të goditjes, makina është përmbysur në mes të rrugës, duke shkaktuar panik përkohshëm te qytetarët në zonë.
Fatmirësisht, aksidenti nuk ka sjellë pasoja të rënda. I riu me inicialet F.K, ai ndodhet jashtë rrezikut për jetën.
