Landi Hysa, artisti dhe shoku më i ngushtë i Mirit, ka folur për rrugëtimi ne këngëtarit në “Big Brother Vip”.
Në një intervistë për “Breaking” në Top News, Landi po foli për përjetimet e bashkëshortes së Mirit, e cila sipas tij është shqetësuar pas deklaratave të babait të Selin. Ai shtoi se e ka këshilluar që të mos ketë kundër-reagim, pasi sipas tij, kjo do e përshkallëzonte situatën.
“Ka patur një reagim nga i cili ka ardhur shqetësim (referuar deklaratës së babait të Selin), por një kundër reagim nuk do i bënte mirë asnjë situate. ‘Big Brother Vip’ është si rakia, kush nuk e mban dot, nuk duhet t’i futet, nuk duhet ta ndjekë. Unë po e mbaj, është i rëndë por po e shijoj. Njësoj dhe familja e Mirit. Reagimi erdhi nga bashkëshortja e Mirit, unë e kam këshilluar por nuk e kam ndaluar t’i kundërpërgjigjet të atit të Selin. Ky reagim u shua në më pak se 24 orë, nëse do kishte kundër-reagim, do zmadhohej dhe situata do përshkallëzohej.”– tha ai.
