Situata hidrologjike në Bashkinë Shkodër paraqitet e qëndrueshme dhe është nën monitorim të vazhdueshëm, pa pasur raportime për banesa të përmbytura.
Nivelet e lumenjve Buna dhe Drin janë nën kuotat kritike, ndërsa hidrovoret operojnë në kapacitet të plotë për të menaxhuar situatën.
Furnizimi me energji elektrike është i siguruar, duke kontribuar në mbështetje të operacioneve të emergjencës.
Prania e ujit është e kufizuar kryesisht në tokat bujqësore, ku rreth 945 hektarë janë prekur, veçanërisht në njësitë administrative Dajç, Velipojë, Ana e Malit dhe Bërdicë.
Në Obot, uji është raportuar vetëm në oborre, pa depërtuar në brendësi të banesave. Sidoqoftë, qarkullimi i mjeteve është garantuar, përveç disa zonave ku rrugët janë ndikuar nga ngritja e ujit.
Autoritetet e emerfjencave civile dhe strukturat përgjegjëse vazhdojnë monitorimin e situatës në terren për të siguruar sigurinë e qytetarëve dhe menaxhimin e situatës.
