Aktori Florjan Binaj, i cili muaj më parë shpalli kandidaturën e tij për Bashkinë e Tiranës, ka qenë i pranishëm këtë të premte në tryezën e organizuar nga Partia Demokratike me shoqërinë civile dhe intelektualët.
Gjatë fjalës së tij, shkurtimisht Binaj bëri thirrje për një reflektim dhe se forcat opozitare duhet të bashkohen duke pranuar fillimisht njëri-tjetrin me të mirat dhe të këqijat e veta.
“Shumë faleminderit që më keni bërë pjesë e këtij takimi. Unë mendoj se arsyeja e këtij takimi, t gjithë ne, kush më shumë dhe kush më pak, gjatë gjithë kësaj kohe kemi harxhuar kohë duke parë nga njëri-tjetri jo ku ngjajmë por ku dallojmë.
Gjëja me rëndësishme që duhet të bëjmë të ta pranojmë njëri-tjetrin ashtu si jemi të ndryshëm dhe mos presim nga njëri-tjetri që unë do bashkëpunoj me ty po more ti formën time ose po mora unë formën tënde. Jemi marrë mjaftueshëm nëpër këmbë, jemi sharë mjaftueshëm nëpër gojë, nëpër sysh, o duhet të merremi vesh ose nuk duhet të qahemi pastaj nëse do të marrin në qafë”, tha Binaj.
