Harry Kane vazhdon të shkëlqejë me fanellën e Bayern Munich dhe forma e tij e lartë është shpërblyer edhe zyrtarisht. Sot u njoftua se sulmuesi anglez 32-vjeçar është zgjedhur Lojtari i Muajit në Bundesligë për dhjetor 2025.
Gjatë dhjetorit, Kane realizoi 5 gola në vetëm 3 ndeshje: një tripletë ndaj Stuttgartit, si dhe nga një gol kundër Mainz dhe Heidenheim.
Në garën për këtë çmim, Kane la pas emra të njohur si Michael Olise, Patrick Wimmer, Jan Diomande, Josip Stanišić dhe Christoph Baumgartner.
Kane iu bashkua Bayern-it në vitin 2023 nga Tottenham për 95 milionë euro. Deri tani, ai ka zhvilluar 121 ndeshje me bavarezët, duke shënuar 115 gola dhe duke dhënë 29 asistime. Kontrata e tij me Bayern-in është e vlefshme deri në 2027, ndërsa vlera në treg vlerësohet rreth 65 milionë euro sipas Transfermarkt.
