Astrit Ishenai 55 vjeç, punonjës i Bashkisë Durrës i raportuar i humbur prej 2 ditësh, është gjetur i mbytur në kanal tek mbikalimi në Plepa në afersi të urës 15 metra larg Marinës Detare.
Sipas asaj që ka raportuar “VoxNews”, të cilët kanë siguruar dhe foto nga vendi i ngjarjes, ai është gjetur pa shenja jete këtë të enjte.
Kjo gjë është konfirmuar së fundmi në një njoftim zyrtar nga policia e Durrëst:
Durrës/Informacion shtesë
Në vijim të informacionit të dhënë pak më parë, për largimin nga banesa të shtetasit A. H., 54 vjeç, informojmë se pas kërkimeve të kryera nga shërbimet e Policisë dhe nga polumbarët e Reneas, u gjet trupi i pajetë i 54-vjeçarit, në një kanal kullues në afërsi të Ish-repartit Ushtarak. Paraprakisht dyshohet se shtetasi A. H. është marrë nga rrjedha e ujit.
Grupi hetimor është në vendngjarje dhe po punon në drejtimin e Prokurorisë, për të sqaruar dhe dokumentuar rrethanat e rastit.
