Një ngjarje e rëndë ka ndodhur në Itali, ku një burrë ka tentuar të djegë bashkëshorten e tij me benzinë.
Ngjarja ka ndodhur në qytetin Cavarzere, pranë Venecias, në prani të djalit të mitur të çiftit, i cili ka shpëtuar nënën nga vdekja.
Sipas mediave italiane, çifti janë shtetas shqiptarë. Pas një grindjeje të dhunshme, burri dyshohet se e ka kërcënuar gruan me vdekje, duke i lagur rrobat e saj dhe dyshemenë e kuzhinës me benzinë, me qëllim që t’i vinte flakën.
Duke përfituar nga një moment shpërqendrimi, djali i mitur ka arritur t’i marrë fshehurazi çakmakun të atit. Ai e mbajti të fshehur atë, duke fituar kohë derisa në vendngjarje mbërritën forcat e rendit.
Ndërhyrja e policisë ka qenë e menjëhershme, ndërsa burri 43-vjeçar është arrestuar dhe shoqëruar nga autoritetet.
