Moti i keq dhe rreshjet intensive të shiut kanë prishur argjinaturën e Çervenit.
Emergjencat Civile të Bashkisë Fier, së bashku me kryebashkiakun Armando Subashi kanë shkuar në vendngjarje.
Ata janë duke monitoruar situatën, e cila është krijuar si pasojë e motit të keq, që ka përfshirë vendin ditën e fundit.
Sipas asaj që bëhet e ditur, në rregullimin e argjinaturës janë përfshirë dy fadroma dhe mjete të tonazhit të rëndë. Ata janë duke punuar për riparimin e disa segmenteve, të cilat janë rrezikuar nga dalja e lumit Vjosë.
Reshjet të cilat vijojnë të bien me intensitet të lartë, po vështirësojnë punën.
