Kryeministri Edi Rama ka reaguar sërish për situatën e përmbytjeve në Durrës, teksa ka ndarë edhe disa pamje ku kanalet kullues janë bllokuar nga plehrat në Shkozet.
Rama është shprehur se “shiu me gjyma i ka mbledhur plehrat nga janë e nga s’janë” për t’i dyndur në det, por nuk ka ‘mundur’, pasi kanë bllokuar kanalet.
“Sigurisht që kur i hedhim plehrat e shishet plastike nëpër fusha e në anët e rrugëve të atdheut që e duam vetëm në stadium, vjen një ditë shiu me gjyma që i mbledh nga janë e nga s’janë dhe i dynd në det, po kur pastaj shiu është aq i furishëm sa ky i fundit, atëherë nuk e arrinë dot detin si zakonisht sepse gryka e kanalit taposet krejt, duke përmbytur dynjanë…”, ka shkruar ai.
Kujtojmë se prej ditës së djeshme, situata ka qenë alarmante në Durrës, pasi shumë lagje në rrugë të qytetit janë përmbytur për shkak të reshjeve të dendura të shiut.
