Detaje të reja tronditëse kanë dalë nga ngjarja e rëndë e regjistruar në Pogradec, ku 67-vjeçari Rushan Selko, abuzoi seksualisht me një 12-vjeçare duke e lënë shtatzënë.
Gjyshi i të miturës, ka rrëfyer nëdetajet tronditëse, teksa tegon se vajza e djalit të tij është lidhur nga i moshuari dhe është abuzuar në mënyrë të dhunshme duke i mbyllur gojën.
Përveç kësaj, ai thotë se mbesa e tij e vogël nuk pranon të shkojë në shkollë sepse nuk ka motrën e madhe.
“Epo, ai ta lidhi vajzën me litar dhe t’i mbylli gojën. Çfarë ku u pa kjo? Djali ka dy vajza dhe ka edhe një tjetër 8 vjeçe që nis shkollën sërish. E vogla nuk do të shkojë në shkollë, sepse nuk ka të madhen. Do më ngelet vajza pa shkollë. Shteti, po të ketë mundësi, sepse këtu nuk vijnë as fëmijët, as djali, sepse ai do të rrijë pas fëmijëve. Shtetit i lutem të bëjë diçka. Kaq kisha, s’kam më për të folur. Ju faleminderit, erdhët dhe morët mesazhin tonë. S’kemi gjësend, as me mbesat me fëmijët, vetëm me këtë kërkojmë nga drejtesia. Mos të shohin interesin apo diçka tjetër. Për ne, kjo është e rëndësishme dhe kërkojmë që të mos lehtësohet”,- është shprehur gjyshi i të miturës në emisionin “Shqipëria Live”, i cili kërkoi edhe drejtësi nga autoritetet.
Lidhur me rastin, Rushan Selko është dënuar me burg nga gjykata, ndërsa vetë 67-vjeçari ka mohuar akuzatNdërkohë, vajzës i është marrë kampioni i fetusit për kryerjen e analizës së ADN-së, me qëllim vërtetimin e atësisë së fëmijës. Pritet që përgjigjja e analizës të dalë brenda 2–3 javësh, e cila pritet të hedhë më shumë dritë mbi këtë ngjarje të rëndë.
