Aktori Jul Deda ka kritikuar kolegun e tij Albano Bogdon për gjuhën e përdorur gjatë një interviste.
Juli tha se Albano është një person shumë i talentuar dhe se falë talentit të tij ka fituar edhe zemrat e publikut dhe se nuk i duhet një fjalor i tillë.
“Me thënë të vërtetën më ka ardhur keq që e kam parë në atë derexhe fjalori, jo se unë jam ëngjëll në të folur, por ka një gjë, ekrani në përgjithësi ka një lloj etike. E kërkon një lloj etike, për të cilën unë tregoj kujdes”, tha ai ndër të tjera.
Nuk jam kundër përmendjes së disa fjalëve tek tuk, aty ku shkon, rri fiks, por nëse bëhet qëllim në vetvete nuk është më art. Prandaj them që duhet të kemi shumë kujdes. Unë personin në fjalë e kam pasur koleg, është shumë i talentuar, por kur e shikoj në këto lloj rrethanash them pse, arsyet pse është në këtë derexhe.
Ti vëlla nuk ke nevojë të shkosh në këtë lloj niveli sepse ti ke talent. E ke fituar publikun me talentin dhe humorin tënd. E kuptoj kur je nëpër lokale, ose ambiente më intime, por në televizion, ka etikë, aq më tepër orari kur transmetohet”, u shpreh Juli.
Kujtojmë që Albano së fundmi ka qenë i ftuar në emisionin e Robert Berishës, ku ka përdorur një fjalor pa etikë./ilirianews
